Віншаванне з Днём беларускага пісьменства ад Аляксандра Вярсоцкага і Інэсы Белуш

06 Сентября 2025 386

Паважаныя жыхары і госці Ліды!

Сардэчна віншуем вас з Днём беларускага пісьменства – святам, якое аб'ядноўвае нас вакол роднага слова, духоўнай спадчыны і нацыянальнай самасвядомасці.

Для нашага горада вялікі гонар прымаць такі маштабны рэспубліканскі форум. Ліда становіцца цэнтрам культурнага жыцця краіны, месцам, дзе гучыць беларускае слова, дзе шануюць гісторыю і натхняюць на творчасць. У гэтыя дні мы прымаем пісьменнікаў, навукоўцаў, мастакоў, выдаўцоў, гасцей з усёй Беларусі. Пройдуць літаратурныя чытанні, выставы, канцэрты, канферэнцыі, уручэнне літаратурных узнагарод.

Сёлета свята праходзіць пад знакам 80-годдзя Перамогі ў Вялікай Айчыннай вайне, 500-годдзя выдання «Апостал» Францыска Скарыны, Года добраўпарадкавання і юбілейных дат беларускіх пісьменнікаў. Усе гэтыя даты яднаюць грамадства на аснове нашых сапраўдных, традыцыйных каштоўнасцей.

Дарагія сябры! Шчыра дзякуем усім, хто сёння працуе дзеля захавання і прымнажэння духоўна-культурнай спадчыны нашага народа! Віншуем вас са святам! Ад усёй душы жадаем вам моцнага здароўя, дабрабыту, натхнення, энергіі на новыя здзяйсненні на карысць нашай Радзімы!

З павагай і ўдзячнасцю, Аляксандр Вярсоцкі, старшыня Лідскага райвыканкама Інэса Белуш, старшыня Лідскага раённага Савета дэпутатаў