Кожны з нас трошкі чараўнік, варта толькі захацець. Са святам вас!

31 Декабря 2019 1630

Усе мы чакаем надыходу Новага года. Менавіта ў гэты час з лёгкасцю спаўняюцца самыя патаемныя жаданні, а добры чараўнік прыносіць пад ёлачку падарункі, якія даўно хацелася атрымаць.

На парозе надыходзячы 2020 год. Зусім хутка за святочным сталом збяруцца родныя, блізкія, сябры. Ад сумеснай радасці і ўсеагульнага яднання паднімецца настрой, і ноч здасца незвычайнай, цёплай ад усмешак. Гэта абяцаюць і Дзед Мароз са Снягуркай, якія праз лясы і палі, горы і шырокія прасторы дабіраліся да нашага прыгожага горада, каб павіншаваць яго жыхароў з Новым годам, а таксама пахваліць за ўсе добрыя справы, падарыць падарункі і выказаць пажаданні на наступны год.

– Віншуем вас, лідчане, і жадаем заўсёды верыць у казку, быць шчаслівымі, любімымі, дабівацца вялікіх поспехаў, напаўняць кожны свой дзень яркімі фарбамі, добрымі словамі, вясёлымі ўсмешкамі, – перадалі словы віншавання госці з Поўначы. – Кожны з нас трошкі чараўнік, варта толькі захацець. І ўсе мары абавязкова спраўдзяцца, а Новы год застанецца самым цудоўным. Са святам вас!