Кніга месяца ў дзіцячай бібліятэцы

Аўтар: Наталля Хмялеўская

Мастак: Кірыл Задворны

Жанр: казачная аповесць

Выдавецтва: Звязда

Год выдання: 2025

Рэкамендацыйны ўзрост: 6+

Аб аўтары

Хмялеўская Наталля Валянцінаўна – празаік, паэт, член Саюза пісьменнікаў Беларусі. Нарадзілася 5 кастрычніка ў 1967 годзе ў в.Мервіны Клецкага раёна Мінскай вобласці. Скончыла Беларускую сельскагаспадарчую акадэмію. Працавала ў Круглянскім і Горацкім райвыканкамах, у інспекцыі па падатках і зборах Горацкага раёна.

Член народнага аматарскага літаратурнага аб’яднання “Роднае слова”. Аўтар паэтычнага зборніка “Любоў – крылатая істота” (2008), рамана “Иоланта” (2011), зборніка прозы “...Кранаючы неба рукамі” (2018). Друкавалася ў калектыўных зборніках “Друцкія зарніцы”, “Над родным краем жураўлі”, “Эхо нашей Победы”, “На крылах натхнення”, у часопісах “Маладосць”, “Першацвет”, у газетах “Літаратура і мастацтва”, “Зямля і людзі” і інш. Лаўрэат Міжнароднага літаратурнага конкурсу памяці Канстанціна Сіманава (2015).

Удзельніца абласнога конкурсу на лепшы літаратурны твор на тэму жыцця і дзейнасці Францыска Скарыны “Скарынавай душой узлашчанае слова” (2017), дыплом першай ступені ў намінацыі “Паэзія”, дыплом другой ступені ў намінацыі “Проза”.

На сённяшні дзень піша вершы і прозу на беларускай і рускай мовах. Працуе ў жанры дэтэктыўнай фантастыкі. Жыццёвае крэда паэткі – несці людзям любоў і чысціню. Паэтычны псеўданім – Лія Родная.

Аб кнізе

У кнізе змешчаны вясёлыя гісторыі з жыцця маленькага дэльфінчыка Агу і яго школьных сяброў Мікушы і Карпушы. Аповесць насычана пазнавальнай інфармацыяй аб жыцці марскіх млекакормячых, рыб і іншых жыхароў Атлантычнага акіяна і яго ўзбярэжжа, вучыць дабру і справядлівасці.

Дзе знайсці:

— філіял “Лідская гарадская дзіцячая бібліятэка” (вул. Я.Купалы, 1);

— філіял “Лідская гарадская бібліятэка №1” (вул. Катлярэўскага, 18);

— філіял “Лідская гарадская бібліятэка №3” (вул.Фамічова, 6);

— філіял “Лідская гарадская бібліятэка №4” (бульвар Князя Гедыміна, 5);

— філіял “Лідская гарадская бібліятэка №5” (вул.Прытацкага, 12);

— філіял “Лідская гарадская бібліятэка №6 імя В.Таўлая” (вул.Фурманава, 17);

— філіял “Бярозаўская гарадская бібліятэка” (г.Бярозаўка, вул.Карзюка, 15);

— філіял “Дзітвянская сельская бібліятэка”;

— філіял “Інтэграваная бібліятэка аг.Бердаўка”;

— філіял “Інтэграваная бібліятэка аг.Дворышча”.