Масленічны тыдзень: на Лідчыне пройдуць святы бліноў

12 Марта 2021 836

У панядзелак пачаўся масленічны тыдзень. Ужо паспелі паесці бліноў?

На свята маленькіх сонейкаў “Бліны ды аладкі – усё вясны-красны нагадкі” ў нядзелю, 14 сакавіка, запрашае Дварышчанскі Дом культуры. У праграме: тэатралізаванае адкрыццё свята, частаванне блінамі, гульні, конкурсы, спартыўныя спаборніцтвы. Акрамя таго, гасцей чакаюць канцэртная праграма і святочны гандаль. Пачатак – у 13 гадзін.

* * *

Народнае гулянне “Вясну сустракаем, зіму праводзім!” пройдзе 14 сакавіка ў Бярозаўцы, на пляцоўцы каля гарадскога Дома культуры. Пачатак – у 15 гадзін.

Тэатралізаванае прадстаўленне з нагоды Масленіцы адбудзецца 14 сакавіка і ў Мажэйкаве. Пачатак – у 12.30. Таксама мерапрыемствы пройдуць у Бердаўцы (пачатак – у 13.00) і Ганчарскім Доме культуры (15.00).