Разыгрываем другі камплект запрашальных білетаў на гала-канцэрт грандыёзнага фестывалю хмелю, соладу і вады «LIDBEER»!

31 Июля 2019 1203

Як мы і абяцалі, разам з арганізатарамі “Лідская газета” разыгрывае другі камплект запрашальных білетаў на гала-канцэрт грандыёзнага фестывалю хмелю, соладу і вады “LIDBEER”, які стане юбілейным, пятым, у гісторыі Ліды і адбудзецца ўжо зусім хутка – 7 верасня.

Умовы гульні тыя ж: каб атрымаць бясплатныя білеты на дзвюх асоб, трэба правільна адказаць на пяць пытанняў.

1. У якім годзе лідскі бровар зварыў першую партыю піва? Гэты год быў выкладзены цэглай на заводскім коміне і зафіксаваны на фірмавых этыкетках.

а) 1806
б) 1876
в) 1901
г) 1922

2. Ад якога слова па легендзе ўтварылася назва “Радлер”?

а) Веласіпед
б) Бакал
в) Кактэйль
г) Гэта назва нямецкага горада

3. Як называецца падстаўка пад кубак, прызначаная для засцярогі стала ад драпін?

а) Гаўбец
б) Яндоўка
в) Бірдзекель
г) Шаршатка

4. Гэты год стаў досыць паспяховым, насычаным і цікавым для ААТ “Лідскае піва”. Прадпрыемства выпусціла 10 новых гатункаў, дасягнула адзнакі ў 140 узнагарод, правяло рэбрэндынг і ў трэці раз атрымала “Народную марку” Беларусі. Які год маецца на ўвазе?

а) 2014
б) 2015
в) 2016
г) 2017

5. Лічыцца, што менавіта гэтаму каралю належыць вынаходніцтва броварства.

а) Гамбрынус
б) Ягайла
в) Станіслаў Аўгуст
г) Жыгімонт III

Свае адказы вы можаце агучыць у чацвер, 1 жніўня, з 9.00 да 10.00, патэлефанаваўшы ў рэдакцыю па нумары 54-29-80. Пераможцу гульні “Лідскай газеты” “Шанец для шчасліўчыка”, як і ў мінулы раз, выбера анлайн-сэрвіс, які дазваляе выпадковым чынам генераваць лік. Відэа розыгрышу, імя пераможцы і правільныя адказы на пытанні мы ў той жа дзень змесцім на сайце www.lidanews.by. Імя і прозвішча шчасліўчыка мы таксама апублікуем у друкаванай версіі газеты, якая выйдзе ў суботу, 3 жніўня.

Не ўпусціце свой шанец бясплатна стаць гледачом юбілейнага гала-канцэрта фестывалю хмелю, соладу і вады, падчас якога выступяць некалькі гуртоў: “Yellow Arc 6”, “Маўчаць дома”, “Akute”, “Агонь”. Нагадаем: хэдлайнерамі “LIDBEER-2019” стануць культавыя рок-гурты “Сплін” і “Чайф”, а таксама хіп-хоп-выканаўца Элджэй.