Сёння ў католікаў Лідчыны Дзень Усіх святых

Два першыя лістападаўскія дні ў каталіцкім календары прысвечаны памяці спачылых вернікаў.

Сёння, 1 лістапада, – Дзень Усіх святых, а заўтра, 2 лістапада, – асноўны памінальны дзень, або, як яго яшчэ называюць, задушны дзень, Дзяды.

Згодна з традыцыяй, прынята наведваць могілкі і асаблівым чынам маліцца за памерлых.

 Годным успамінам пра памерлых з’яўляюцца запаленая на магіле свечка і прынесеныя кветкі, але перш за ўсё – малітва за супакой душаў.