Пт06222018

Справаздачы і планы: колькі добрых спраў зрабіў Чырвоны Крыж і колькі яшчэ плануе

 красныйСёння на пляцоўцы цэнтральнай раённай бібліятэкі імя Я. Купалы адбылоя справаздачнае пасяджэнне прэзідыума раённай арганізацыі Беларускага таварыства Чырвонага Крыжа з удзелам намесніка старшыні райвыканкама Віктара Пранюка, начальніка аддзела ідэалагічнай работы, культуры і па справах моладзі райвыканкама Ірыны Рабец, прадстаўнікоў прадпрыемстваў і арганізацый Лідчыны, што прымаюць найбольш актыўны ўдзел ва ўсіх добрых пачынаннях.

Аб тым, колькі добрых спраў зроблена на Лідчыне і колькі яшчэ іх плануецца ажыццявіць, распавяла старшыня раённай арганізацыі Кацярына Сапега.

Летась непасрэдную дапамогу атрымалі звыш васьмісот лідчан самых розных уразлівых катэгорый – гэта адзінокія і адзінока пражываючыя інваліды, шматдзетныя і няпоўныя сем'і з нізкім узроўнем даходу, дзеці з небяспечных сем’яў, мігранты (з Украіны), людзі з сацыяльна небяспечнымі захворваннямі (ВІЧ, туберкулёз), асобы без пэўнага месца жыхарства, а таксама асобы, якія прыбылі з месцаў пазбаўлення волі. Актыўна працавала служба сёстраў міласэрнасці – яе падапечнымі сталі звыш пяцідзесяці хворых, нямоглых старых. Значна пашырылася кола валанцёраў Чырвонага Крыжа, з актыўным удзелам якіх праведзена звыш сарака мерапрыемстваў і акцый.

IMG 005

IMG 011

IMG 027

На пляцоўцы раённай арганізацыі Чырвонага Крыжа летась рэалізоўвалася шмат праектаў. Найноўшым з іх стаў праект ”Няня замест мамы” па дапамозе маленькім пацыентам педыятрычнага аддзялення – дзецям, што засталіся без бацькоў. Спраў рэалізавана вельмі многа (больш падрабязна аб іх мы раскажам у вялікім інтэрв’ю Кацярыны Сапегі “Лідскай газеце” ў адным з бліжэйшых нумароў – рэд.). Усе яны сталі магчымыя таму, што многія лідчане ўнеслі сваю маленькую лепту.

Падчас пасяджэння Кацярына Сапега ўручыла Падзячныя пісьмы: галоўнаму ўрачу Лідскай ЦРБ Вадзіму Трубчыку – за актыўны ўдзел у рэалізацыі праекта “Няня замест мамы”, педагогу-арганізатару СШ №17 Святлане Ермаловіч – за развіццё валанцёрскага руху Беларускага таварыства Чырвонага Крыжа. Адзначаны і яшчэ адзін праект, які быў ініцыяваны старшынёй абласной арганізацыі Чырвонага Крыжа Раманіяй Скамарошка, – па прыцягненні да валанцёрства цяжкіх падлеткаў. Летась на Лідчыне быў створаны валанцёрскі атрад “Тэрыторыя дабра”, вялікі ўклад у яго стварэнне і развіццё ўнесла сацыяльны педагог СШ №11 Вольга Асіпенка.

IMG 017

IMG 022

IMG 029

Віктар Пранюк падзякаваў раённай арганізацыі і яе кіраўніку за праведзеную вялікую працу.

– Чырвоны Крыж не проста робіць дабро для жыхароў Лідчыны, а і дапамагае нам не ператварыцца ў чэрствых людзей. Кожны з нас, хто валодае пэўным дабрабытам і выгодамі, мае магчымасць падзяліцца невялікай часткай свайго заробку, дабрабыту для таго, каб хтосьці таксама адчуў сябе шчаслівым. Бог даў нам усім гэтыя выгоды дзеля таго, каб мы змаглі дзяліцца з тымі, хто гэтых выгод не мае або згубіў па нейкіх прычынах. Мы можам і павінны аказаць падтрымку, – адзначыў Віктар Францавіч. – Людзі ў нас добрыя, спагадныя, умеюць суперажываць. Раней мы дапамаглі дзвюм нашым дзеткам і сабралі грошы на іх лячэнне. Зараз з’явіўся яшчэ адзін хлопчык, вучань СШ №14 Арцём Шульвінскі, якому мы таксама будзем дапамагаць. І чым хутчэй гэта зробім, тым лепей. Для бацькоў любая магчымасць бачыць сваё дзіця здаровым – гэта выратавальная саломінка. Мы павінны не толькі працягнуць саломінку, але і даць чалавеку руку, каб ён ухапіўся і разам з намі рухаўся далей. Карыстаючыся магчымасцю, хачу звярнуцца да ўсіх прадпрыемстваў, каб яны адгукнуліся, як мага хутчэй аказалі дапамогу і каб хлопчык паехаў лячыцца. Мы столькі гадоў дапамагалі – думаю, будзем дапамагаць і далей.

IMG 035

У 2018 у парадку дня раённай арганізацыі Чырвонага Крыжа – зноў шмат добрых спраў. Іх нават яшчэ больш, чым летась! Як адзначыла Кацярына Сапега, таму што стаяць на месцы нельга. Задумана развіццё валанцёрскай сеткі і прыцягненне да дзейнасці Чырвонага Крыжа насельніцтва, звычайных лідчан.

Добавить комментарий


Защитный код
Обновить

 

Наши блоги: 

Из личного блокнота

petrul
Блог Людмилы Петрулевич

Открытый микрофон

pin
Блог Жанны Пиневской

Строчки без точки

Русилевич
Блог Виктории Русилевич

Между делом

kudr
Блог Татьяны Кудряшовой

Житейский перекресток

Каральчук
Блог Татьяны Каральчук