Вт11212017

У Лідзе ў аддзеле рамёстваў і традыцыйнай культуры днямі адкрылася выстава «Лялька як мастацтва»

ЛялькіУ аддзеле рамёстваў і традыцыйнай культуры днямі адкрылася выстава “Лялька як мастацтва”, наведвальнікі якой былі прыемна здзіўлены. Аснову экспазіцыі склалі некалькі дзясяткаў лялек – абрадавых, абярэгавых, гульнявых, а таксама сучасных – тэкстыльных і аўтарскіх. Пералічваць можна доўга, але лепш убачыць усё сваімі вачыма.

Так і зрабіла, завітаўшы на выставу падчас яе адкрыцця. Сярод наведвальнікаў у асноўным школьнікі і іх настаўнікі: інфармацыі аб беларускай абрадавай ляльцы сёння няшмат, а тут яе – цэлая скарбніца.

– Гэтую выставу арганізавала мая калега – малодшы навуковы супрацоўнік Марына Савіцкая, – расказвае метадыст аддзела рамёстваў і традыцыйнай культуры Ірына Дыдышка. – У зале прадстаўлены народныя і фальклорныя лялькі, якія прывезла ў Ліду член Беларускага саюза майстроў народнай творчасці, кіраўнік праекта «Папараць-кветка» па захаванні і вывучэнні традыцыйнай культурнай спадчыны беларусаў у частцы фальклорнай і шытай абрадавай і гульнявой лялькі Таццяна Трушына. Выстава пабывала ў розных рэгіёнах Беларусі, атрымала шмат добрых водгукаў. Гэта найперш гаворыць аб тым, што зацікаўленасць гісторыяй беларускай абрадавай лялькі ў апошні час узрасла як у навуковым асяроддзі, так і сярод аматараў, насельніцтва.

Як вядома, гісторыя лялькі пачынаецца ў глыбокай старажытнасці. Яна служыла абрадавым сімвалам, надзялялася магічнай сілай. І толькі з цягам часу ператварылася ў дзіцячую цацку: простую, немудрагелістую, але такую доўгачаканую, зробленую рукамі любімай матулі.

IMG 2985

– У далёкім мінулым з дапамогай лялек навучалі дзяцей працоўным навыкам, перадавалі назапашаны жыццёвы вопыт, – расказвае Ірына. – Лялька з'яўлялася своеасаблівым спосабам пазнання жыцця: у працэсе гульні дзіця далучалася да культуры свайго народа. А рабіліся яны рукамі матуль з простых рэчаў: саломы, драўляных лыжак, вяровачак, тасёмак, кавалкаў ношанага адзення. Таму і лялькі атрымліваліся не толькі мяккімі і цёплымі навобмацак, але і напоўненымі любоўю.

IMG 3043

Наведвальнікі з цікавасцю разглядалі незвычайныя экспанаты, фатаграфаваліся, бо такія ў сучасным жыцці наўрад ці сустрэнеш. З асаблівым энтузіязмам была ўспрынята ідэя зрабіць ляльку-абярэг сваімі рукамі. У выніку аказалася, што гэта нескладана і надзвычай цікава.

IMG 3047

– Пры вырабе лялькі я не карысталася ні нажніцамі, ні іголкай, – расказвае адна з прысутных дзяўчынак. – Кавалачкі тканіны я злучала паміж сабой вузялкамі і ніткамі. Спачатку не атрымлівалася так, як хацелася, але потым налаўчылася. Цяпер у маім пакоі будзе хоць і не магічны, але зроблены сваімі рукамі абярэг.

Асобны раздзел экспазіцыі – гэта работы сучасных майстроў, якія займаюцца стварэннем аўтарскіх лялек. Усе персанажы – характэрныя героі, апранутыя ў адзенне з элементамі вышыўкі і ткацтва таго ці іншага строю. У знешнім выглядзе некаторых пазнавала знакамітых людзей, напрыклад легенду беларускай музыкі Уладзіміра Мулявіна (хаця, можа, гэта і не так), у другіх – персанажаў беларускага фальклору. Час прайшоў непрыкметна. Для сябе адзначыла: было відовішчна і вельмі цікава.

IMG 3051

IMG 3058

Добавить комментарий


Защитный код
Обновить

 

Наши блоги: 

Из личного блокнота

petrul
Блог Людмилы Петрулевич

Открытый микрофон

pin
Блог Жанны Пиневской

Строчки без точки

rus
Блог Виктории Русилевич

Между делом

kudr
Блог Татьяны Кудряшовой

Житейский перекресток

Каральчук
Блог Татьяны Каральчук