У Мажэйкаве вучаць быць гаспадарамі з дзіцячага садка
25 Июня 2022
1845
Таксама адзначыў, што такая практыка не перажытак мінулага, бо яна дазваляе не толькі забяспечыць школу (а значыць, і сябе) прадуктамі на наступны навучальны год, зрабіць абеды таннейшымі, але і дае практычныя навыкі карыснай працы, якія ніколі не будуць лішнімі ў сталым жыцці.
З гэтым абсалютна згодна дырэктар Мажэйкаўскага дзіцячага сада-сярэдняй школы Наталля Новікава. Вось што яна нам паведаміла:
– Вучыць быць гаспадаром – адзін з накірункаў работы педагогаў нашай установы. І лічу, што гэтыя навыкі не менш патрэбныя, чым трывалыя веды. У кожнага чалавека на працягу яго жыцця здараюцца ў кар’еры і ўзлёты, і падзенні. Таму не разгубіцца ў няўдалы час і забяспечыць сябе самым неабходным – харчам – нашы выпускнікі змогуць лёгка.
Сапраўды, пры ўстанове ёсть невялікі агародчык, закладзены сад, дзе вырошчваюцца традыцыйныя для Беларусі агародніна, ягадныя кустарнікі і пладовыя дрэўцы. Увесь ураджай ідзе на прыгатаванне смачных і карысных страў для гадаванцаў дзіцячага садка і школьнікаў. Сеюць, садзяць, поляць, паліваюць, даглядаюць усю гэтую гаспадарку вучні.
– У мінулым навучальным годзе мы вырашылі далучыць да гэтай справы выхаванцаў дзіцячага садка. Бо перыяд “чамучак” – пазнання свету – самы спрыяльны для таго, каб пачаць закладваць асноўныя практычныя навыкі і чалавечыя каштоўнасці. Таму мы распрацавалі і далі старт праекту “Агародзік у агародзе”.
І вось у самых маленькіх навучэнцаў нашай установы з’явілася магчымасць паспрабаваць сябе ў якасці гаспадароў: пасадзіць агародзік, даглядаць яго, выгадаваць ураджай і адчуць сябе сапраўднымі маленькімі гаспадарамі зямлі. Усе работы праводзяцца ў гульнёвай форме – цікава і весела. У выніку дзеткі яшчэ атрымліваюць веды, якія ім спатрэбяцца на ўроках біялогіі, – дадала Наталля Мечыславаўна.
А мы пажадаем маленькім гаспадарам поспехаў у іх цікавай і карыснай справе, а ў будучыні з усімі жыццёвымі перашкодамі спраўляцца толькі на выдатна!
0Комментарии
Авторизоваться
Для отправки отзыва нужно авторизироваться.