«Пра падзеі ў жніўні 1944-га ў ваколіцах Ліды раскажа новы серыял»

Зараз вядзецца здымка серыяла «Аперацыя «Нёман» з Аляксандрам Яцэнкам, Аляксеем Краўчанкам, Аляксеем Макаравым, Андрэем Смаляковым, Сяргеем Макавецкім у галоўных ролях. Рэжысёр Сяргей Вінаградаў экранізуе раман Уладзіміра Багамолава «Момант ісціны» («У жніўні 44-га»). Здымкі праходзяць у расійскай Калузе, якая і стала прататыпам ваеннай Ліды.

Згодна з сюжэтам, падзеі адбываюцца ў жніўні 1944 года на тэрыторыі вызваленай Беларусі, у ваколіцах г. Ліды. Контрразведчыкам са СМЕРШа на чале з капітанам Алёхіным даручана адшукаць разведгрупу праціўніка, дзеянні якой ставяць пад пагрозу поспех наступлення Чырвонай Арміі, якое рыхтуецца.

Дарэчы, гэта ўжо трэцяя спроба экранізацыі рамана Уладзіміра Багамолава «Момант ісціны» («У жніўні 44-га»). Першую ў 1975 годзе распачаў літоўскі рэжысёр Вітаўтас Жалакявічус. Другой экранізацыяй стаў фільм Міхаіла Пташука “У жніўні 44-га” з Уладзіславам Галкіным і Яўгенам Міронавым у галоўных ролях, зняты ў 2000 годзе на кінастудыі “Беларусьфільм”.