У Лідзе праходзіць выстава «Лялька як мастацтва» (фота)
Упершыню на Лідчыне ў Цэнтры рамёстваў і традыцыйнай культуры “Спадчына” праходзіць выстава традыцыйнай беларускай лялькі “Лялька як мастацтва”.
Экспанаты выставы - рэканструяваныя па матэрыялах фальклорна-этнаграфічных экспедыцый, а таксама аўтарскія лялькі, прадстаўленыя майстрамі сталічнага клуба “Папараць-кветка”. Усе лялькі – ручной работы. Паводле сваёй класіфікацыі дзеляцца на народныя (тыя, што існавалі ў народзе, вырабляліся нашымі продкамі) і фальклорныя (увасабленне фальклорных, міфалагічных вобразаў).
Выстава традыцыйнай лялькі будзе працаваць па снежань, з аўторка па суботу з 8.00 да 17.00 у зале экспазіцый раённага Цэнтра рамёстваў і традыцыйнай культуры “Спадчына” па вул. Савецкая 12.
